काठमाडौँ । नेकपा (एमाले) का अध्यक्ष केपी शर्मा ओलीको जित सुनिश्चित भएको छ । प्रतिनिधिसभा सदस्य निर्वाचनमा झापा निर्वाचन क्षेत्र नं ५ मा मतगणना जारी रहेकै बेला उहाँको जित सुनिश्चित भएको हो ।
अहिलेसम्म ८५ हजार ६५९ मत गणना भइसक्दा ओलीले ४४ हजार ८०५ मत ल्याइसक्नुभएको छ । उहाँका निकटतम प्रतिस्पर्धी गठबन्धनबाट नेपाली कांग्रेसका उम्मेदवार खगेन्द्र अधिकारीले २१ हजार १५४ मत ल्याउनुभएको छ ।
कूल ९९ हजार ४५ मत खसेको सो निर्वाचन क्षेत्रमा अब १३ हजार ३८६ मत गन्न बाँकी छ । ओलीले अहिलेसम्मको मतगणनामा अधिकारीलाई २३ हजार ६५१ मतले पछि पारिसक्नुभएकाले उहाँको जित सुनिश्चित भएको हो ।
