काठमाडौं : नेपाल स्टक एक्सचेन्ज (नेप्से) को एकाधिकार अब समाप्त हुन लागेको छ ।
धितोपत्र बोर्डले आज एक सूचना जारी गर्दै नयाँ स्टक एक्सचेन्ज खोल्न प्रस्ताव आह्वान गरेसँगै नेप्सेमाथि दबाब सिर्जना भएको हो ।
धितोपत्र बजारलाई थप प्रतिस्पर्धी, प्रभावकारी, लगानीमैत्री र अन्तरराष्ट्रिय स्तरको प्रविधि सहितको क्षमतायुक्त बनाई धितोपत्रमा लगानी गर्ने लगानीकर्ताको हित संरक्षण गर्न नयाँ स्टक एक्सचेन्ज खोल्ने गरी बोर्डले प्रस्ताव आह्वान गरेको छ ।
बोर्डले ४५ दिनभित्र ईच्छुक संघसंस्थाले निवेदन दिन भनेको छ । र बोर्डले प्राप्त गरेका निवेदनको मूल्याङ्कन गरी सरकार समक्ष सिफारिस गर्नेछ
बैकल्पिक स्टक एक्सचेन्ज गठनलाई लिएर यसअघिदेखि बिरोध हुँदै आएको थियो तर सरकारले बजेटमै नयाँ संस्था गठन गर्ने जनाएको थियो । तर कतिपयले यसमा आर्थिक चलखेल भएको आशंका गरेका छन् ।
