काठमाडौँ । नेकपा (एमाले) का उपाध्यक्ष विष्णु पौडेलले कुनै पनि राजनीतिक दलसँग एमालेसँग एक्लै चुनाव लड्ने हैसियत नभएको बताउनुभएको छ ।
ललितपुरस्तरीय पार्टीको कार्यकर्ता भेला तथा प्रशिक्षणमा उहाँले गत स्थानीय चुनावजस्तै आगामी निर्वाचनहरु पनि एमाले भर्सेस गठबन्धन हुने बताउनुभयो ।
नेपालको राजनीतिमा नेकपा एमाले नामको पार्टीको उदय भएको भन्दै उपाध्यक्ष पौडेलले एमालेको विचारसँग कसैको विचारको तुलना नहुने जिकिर गर्नुभयो । उहाँले भन्नुभयो, “एमालेसँग तुलना हुने कुनै पार्टी नै छैन, एमालेविरुद्ध चुनाव लड्ने दुई खुट्टाले टेकेको पार्टी नेपाल नामको धर्तीम देखिएन, आजको यथार्थ नै यही हो ।”
