काठमाडौँ । उड्दै गरेको श्री एयरलाइन्सको विमानको इन्जिनबाट धुवाँ निस्किएको देखिएपछि विमानलाई आपतकालीन अवतरण गराइएको छ ।
नेपालगञ्नबाट काठमाडौँका लागि उडेको श्री एयरलाइन्सको ९ एन–एएनएफ जहाजको बायाँ इन्जिनमा धुवाँ देखिएपछि १० माइल उडिसकेको जहाजलाई फर्काएर नेपालगञ्न विमानस्थलमा आपतकालीन अवतरण गराइएको हो ।
जहाज अवतरणका क्रममा ‘फुल इमर्जेन्सी’ को व्यवस्था गरिएको नेपालगञ्ज विमानस्थलले जनाएको छ । जहाजलाई सुरक्षित अवतरण गराइएको छ । जहाजमा चालक दलका सदस्यसहित ७९ जना थिए ।
