काठमाडौं । नेपाल र भारतबीचको दोस्रो मैत्रीपूर्ण खेलमा अहिले नेपाल र भारतले प्रतिस्पर्धा गर्दैछन् ।
दशरथ रंगशालामा जारी खेलमा पहिलो हाफ सकिँदा दुबै पक्षबाट गोल हुन सकेको छैन ।
पहिलो हाफदेखि नै घरेलु टिम नेपालले खेलमा दबाब राख्दै आएको थियो ।
खेलको १२ औं मिनेटमा मनिष डाँगीले गोल गर्ने सुनौलो अवसर खेर फालेका थिए ।
यता खेलको २३ औं मिनेटमा भारतका अनिरुद्ध थापाले गोल गर्ने अवसरलाई नेपालका गोलरक्षक किरण चेम्जोङले उत्कृष्ट क्लियर गरेका थिए ।
२६ औं मिनेटमा नेपालले थप अर्को अवसर पाएको थियो । आयुष घलानले हेडमार्फत गोल गर्ने राम्रो अवसर खेर फाले । उनी मार्कमा रहेपनि बललाई भेट्न भने असमर्थ रहे ।
नेपालका गोलकिपर किरण चेम्जोङले लङ रेन्जमा फालेको बल आयुष घलानले पुनः गोल गर्ने अवसर पाएका थिए । वान टु वान मार्कमा रहेका घलान गोल गर्न चुके ।