काठमाडौं । संखुवासभाको मादी नगरपालिका उम्लिङमा एकै परिवारका ६ जनाको हत्या भएको आशंका गरिएको छ । रातको समयमा भएको घटनामा पाँचका घर भित्र हत्या भएको र एक जनाका घर नजिकै शव फेला परेको छ ।
घटनाको बारेमा थप अनुसन्धान र जानकारी लिन प्रहरीको टोली सदरमुकाम खादबारी बाट घटनास्थल तर्फ गएको छ । हत्या हुनेमा ५८ वर्षीय तेज कुमार कार्की, ५१ वर्षीय मन माया कार्की, २६ वर्षीय रञ्जना घिमिरे कार्की ९ वर्षीय दिपेन कार्की र ३ वर्षीय गोमा कार्की रहेका छन् ।
मृतक कार्कीको जेठो छोरा वैदेशिक रोजगारीका लागि मलेशिया, कान्छो छोरा दुबई र कान्छी बुहारी झापामा रहेका छन् । नेपाली काग्रेसका स्थानीय नेता रामकुमार जिमीले न्यूजपोलारसँग भन्नुभयो, "बाजे बाचेका छन् भन्ने सुनेका छौँ हामी पनि घटना बारे बुझ्दै छौँ । अकल्पनीय घटना भयो ।"
