काठमाडौं । प्रमुख प्रतिपक्ष दल नेकपा एमालेका अध्यक्ष केपी शर्मा ओलीले वर्तमान सरकारको आयू बढिमा १५ महिना भएको बताउनुभएको छ । 

पूर्व प्रधानमन्त्री समेत रहनुभएका अध्यक्ष ओलीले १५ महिना पछि यो सरकारलाई खोजेर पनि भेटन नसकिने दावी समेत गर्नु भयो । राष्ट्रिय युवा संघ नेपालले सोमबार काठमाडौंमा आयोजना गरेको बृहत युवा भेलामा बोल्दै उहाँले यो सरकारलाई नेपाली जनताले छिटोभन्दा छिटो विदा गर्नुपर्ने भन्दै पार्टीका युवाहरुलाई निर्वाचनको तयारीमा जुटन आह्वान गर्नुभयो । 

अध्यक्ष ओलीले वर्तमान सरकारलाई केही दिनको पाहुनाको संज्ञा दिँदै भन्नु भयो, ‘अहिलेको सरकार शास्वत होईन । यो सरकार अलिक दिनको मेजमान, पाहुना । बलजफ्ती आएको पाहुना । थोपरिएको पाहुना । षडयन्त्रबाट जन्मेको पाहुना । अवैध सम्बन्धहरुको उपज पाहुना । यसलाई नेपाली जनताले सकेसम्म छिटो विदा गर्नुपर्छ । तर छिटै विदा गर्न सकिदैन भने पनि हतारिनु पर्ने केही छैन । अर्को मंसीर सम्ममा चुनाव गर्नुपर्छ । कति रह्यो विचार गर्नुस त । भदौ गई गो, असोज, कार्तिक, मंसीर । अव १४ महिना रह्यो । अव १५ महिनामा त यो सरकारलाई खाजेर पनि भेटिदैन । तपाईहरु सुन्तु भो भने त यस्ता सरकारहरु त बनिरहन्छन । तपाईहरु सुत्नु हुँदैन । तपाईहरु उठनु भने त यस्ता सरकारहरु विदा हुन्छन । जनताको सरकार बन्छ । देशभक्त सरकार बन्छ ।’

अध्यक्ष ओलीले भारतीय प्रधानमन्त्री मोदी र एमसीसीविरुद्ध नबोल्न सरकारले दिएको निर्देशनप्रति आपत्ति जनाउँदै सोझै संविधानलाई चुनौति दिने गरी उर्दी जारी नगर्न पनि सचेत गराउनु भयो । जनताको बोल्ने स्वतन्त्रतालाई समेत बन्देज लगाउन निर्देशन दिएको भन्दै उहाँले यस्तो सरकारलाई मात्रै तानाशाहीको संज्ञा दिन सकिने तर्क समेत गर्नु भयो । अध्यक्ष ओलीले वर्तमान सरकारले आफ्ना नागरिक वेपत्ता हुँदा समेत भारतीय पक्षसँग कुरा गर्न नसकेको भन्दै आक्रोश व्यक्त गर्नु भयो । 

उहाँले भन्नु भयो, ‘वर्तमान सरकार घरको बाघ, बनेका स्याल हो । अव त सोझै संविधानलाई चुनौति दिएर उर्दी जारी गर्ने ग¥या छ । बोल्न पाईदैन । अहिले नबोल्न निर्देशन दिईन्छ । अव बोलेका कार्वाही गरिन्छ भनेर थर्काइन्छ । म भन्न चाहन्छु–शासन दमनकारी हुन पाउदैन । शान्तिपूर्ण, विचार स्वतन्त्रता, अभिव्यक्तिको स्वतन्त्रतता, शान्तिपूर्ण विरोध गर्ने स्वतन्त्रता, विरोध प्रर्दशनको स्वतन्त्रता त्यो खोस्न सक्दैन । त्यो बाटो लिन थाल्यो भने त्यसलाई भन्छ–तानाशाह । र तानाशाही टिक्दैन भन्ने कुरा हामी सबैलाई थाहा छ । तानाशाही टिक्नेवाला होइन । अहिले उहाँहरुले विकास, निर्माणको बारेमा बोल्ने गरेको सुन्नु भएको छ, तपाईहरुले ? हाम्रो सरकार बनेको एक महिनामा मैले के के काम गरेर भनेर बोल्ने गर्दथे । अव के काम गर्ने भनेर बोल्थे । हामीले देशको बारेमा बोलेनौं, जनताको बारमो बोलेनौ । 

छिमेक सम्बन्धमा बखेडा निकाल्यौ । नभएका समस्यामा समिति र आयोगहरु बनाएर सम्बन्ध बिगार्ने बाटो बनायौं । यसको आलोचना एमालेले गर्न थाल्यो । विपक्ष भएर बोल्न पाईन्छ, आलोचना गर्न पाईन्छ भनेर कराउन थाल्छन । अरु केही भन्ने बाटो उनीहरुसँग छ ? भन्ने केही कुरा छ, विषय छ । उनीहरुको दिमागमा देश छैन । उनीहरुको दिमागमा, चिन्तनमा जनता छैन । उनीहरुको चिन्तनमा विकास छैन, सुशासन छैन । समृद्ध नेपाल सुखी नेपाली भन्दा त झसंग हुन्छन । कोही बोलेको सुन्नु भएको छ, तपाईहरुले । समृद्ध नेपाल किन भन्न सक्दैनन यिनीहरु । सुःखी नेपाली भन्दा किन आतिन्छन  यिनीहरु । यि आफूमात्रै सुःखी हुनुपर्ने । जनता सुःखी हुुनुपर्छ भन्दा यिनीहरु आत्तिन्छन । 

यी पाँच दलको कुनै नेताले समृद्ध नेपाल सुःखी नेपाली भन्ने आँट गरोस त एक पल्ट । वेदको एउटा मन्त्र उच्चारण गर्न बेदको एउटा मन्त्रले भन्छ, सर्वे भवन्तु सुखिनः सर्वे सन्तु निरामाया । अव यिनले त्यो पनि भन्न सक्दैनन । त्यहाँ त्यो वेदमा पनि उनीहरु केपी ओली, ओपी देख्छन के । सर्वे भवन्त सुखी सबै सुखी होउन । यो त केपी ओली, केपी ओली ताल भो, बेदैमा कसरी लेखियो ? उनीहरुलाई त्यो त्रास छ ।’

अध्यक्ष ओलीले एमालेलाई एक्ल्याएर देखाउन पनि सत्तारुढ गठबन्धनलाई चुनौति दिनु भयो । उहाँले चुनाव जति नजिक आयो, एमाले प्रवेश गर्नेहरु लहर बढेर जाने दावी गर्दै आफ्नो पार्टीलाई कसैले पनि एक्ल्याउन नसक्ने बताउनु भयो । अध्यक्ष ओलीले भन्नु भयो, ‘ एमालेलाई एक्ल्याएर ठेगान लाउँछौ भनेर धेरै ठाउँमा भन्ने ग¥या छन । एमाले कत्तिको एक्लिदैछ, आज देख्नु भएको नि, युवाहरु जोस । आज कति ठाउँ युवाहरु एमालेमा प्रवेश गरिरहेका छन । 

यो त एउटा ठाउँ, अन्य ठाउँमा दैनिक प्रवेश गरिरहेका छन । यो प्रवेशको लहर चल्दै जानेछ । जतिजति चुनाव नजिक आउँछ, त्यतित्यति एमाले प्रवेशको लहर चल्दै जान्छ । म किरणलाई भन्न चाहन्छु, महेशलाई भन्न चाहन्छु, टोपीहरु सिलाई राख्नुस । लाखौंलाख  टोपीहरु सिलाई राख्नुस तर यस्तो सानो होईन, ठूल्ठूला पनि । तर टोपी सिलाई राख्नुस । तोडदा नतोडिने, फोडदा नफोडिने एमाले बनाउनेछौ । एमाले एक्ल्याउने होईन । मजदुत बन्दै जादैछ ।’

अध्यक्ष ओलीले सरकारले कामै गर्न नसकेको भन्दै दर्जनौं प्रश्न गर्नु भयो । उहाँले राष्ट्रियताको सवाल, नागरिकको जीउधनको सुरक्षाको सवालमा छिमेकी मुलुकसँग बोल्ने आँट समेत सरकारले गर्न नसकेको पनि दोहो¥याउनु भयो ।