काठमाडौं । आगामी महिना माल्दिभ्समा हुन लागेको साफ च्याम्पियनसिपको अन्तिम तयारी गर्न नेपाली राष्ट्रिय फुटबल टिम कतार प्रस्थान गरेको छ।
शुक्रबार विहान नेपाली टिम कतार प्रस्थान गर्दैछ भने नेपाली टिमका प्रशिक्षक अब्दुल्लाह अलमुताइरी भने गत सोमबार नै कतार गएका थिए ।
तयारीस्वरुप नेपालले गत साता भारतसँग दुई मैत्रीपूर्ण खेल खेलेको थियो । पहिलो खेल १–१ गोलको बराबरीमा भारतलाई रोकेको नेपाल दोस्रो खेलमा भने २–१ ले पराजित भएको थियो ।
कतारमा १७ दिन बसेपछि नेपाली टिम असोज ११ गते साफ च्याम्पियनसिप खेल्न उतैबाट माल्दिभ्स जाने कार्यतालिका छ ।
तेह्रौं संस्करणको दक्षिण एसियाली फुटबल प्रतियोगिता (साफ) आगामी असोज १५ देखि २७ गतेसम्म माल्दिभ्समा हुनेछ ।
