काठमाडौं । प्रमुख प्रतिपक्ष दल नेकपा एमालेको स्थायी कमिटी बैठक दिउँसो साढे ३ बजे पुनः बस्ने गरी स्थगित भएको छ ।
विधान महाधिवेशनमा भाग लिने प्रतिनिधिहरुको छलफल भइनसकेकोले आज दिउँसो तीन बजे पुनः बस्ने गरी बैठक स्थगित भएको हो । स्थायी कमिटीको बैठकले पार्टीको आउँदो विधान अधिवेशनका बारेमा छलफल गरेको नेकपा एमालेका प्रचार विभाग प्रमुख योगेश भट्टराईले जानकारी दिनुभयो ।
प्रमुख भट्टराईले बैठकमा देशभरबाट करिव ३ हजार प्रतिनिधि हुने प्रश्ताव आएको भन्दै यसको टुंगो लगाउनका लागि आजै ३ बजे बैठक बस्ने बताउनुभयो । आज बस्ने बैठकमा विधान महाधिवेशनमा प्रश्तुत हुने विधानको बारेमा पनि छलफल गर्ने साथै राजनीतिक र सांगठनिक प्रतिवेदनका बारेमा समेत छलफल गर्ने विभाग प्रमुख भट्टराईले बताउनुभयो ।
प्रचार विभाग प्रमुख भट्टराईले भन्नुभयो, ‘नेकपा एमालेको स्थायी कमिटीको बैठक आज बिहान शुरु भएको छ, यो बेठकमा विशेष गरी आउँदो विधान अधिवेशन, जुन पार्टीको विधान अधिवेशन आयोजना हुँदैछ, त्यो विधान अधिवेशनको बारेमा हामीले छलफल गरेका छौँ, त्यसमा मुख्य तीन वटा एजेण्डा छन्, विधान अधिवेशनका प्रतिनिधिहरु को को हुने ?विधान अधिवेशनका प्रश्तुत गर्ने राजनीतिक, सांगठनिक र विधान सम्बन्धी दस्ताबेज तीन वटा दस्ताबेज छन्, एउटा राजनीतिक दस्ताबेज हुन्छ प्रतिवेदन, विधान हुन्छ र संगठनात्मक प्रस्ताव हुन्छ, यी तीन वटा दस्ताबेजको बारेमा र व्यवस्थापनका बारेमा हामीले एजेण्डासहित छलफल गरेका छौँ, अहिले विधान अधिवेशनमा भाग लिने प्रतिनिधिहरुको बारेमा हामी छलफल गर्दैर्छौं, हाम्रो अघिल्लो विधानले विधान, अधिवेशन, महाधिवेशनका प्रतिनिधिहरु, राष्ट्रिय प्रतिनिधि परिषद् सदस्यहरु, स्वतः विधान अधिवेशनको प्रतिनिधि हुन्थे, तर नवौँ राष्ट्रिय महाधिवेशनपछि राष्ट्रिय प्रतिनिधि परिषद् निर्वाचित भएको छैन, त्यो निर्वाचित नभइकन पार्टी एकता गर्यौं, फेरि फुट्यो, त्यसैले प्रतिनिधि परिषद् बनेको थिएन, त्यसैले हामीले अहिलेलाई अन्तरिम व्यवस्था गरेर विधान महाधिवेशनका प्रतिनिधिहरु निश्चित गर्नुपर्ने भएको हुनाले त्यो विषयमा हामी छलफल गर्दैछौँ, अहिले संगठनात्मक विभागबाट आएको अप्रश्तावअनुसार करिव देशभरबाट करिव तीन हजार जति प्रतिनिधि हुने प्रश्ताव अहिले विधान महाधिवेशनका लागि प्रश्तावित छन् । त्यसमा केन्द्रिय कमिटी, केन्द्रिय निकाय, केन्द्रिय विभाग, प्रदेश कमिटी, जिल्ला कमिटी, विशेष कमिटी, पार्टीका जनसंगठनहरु, संघ, प्रदेशका माननीय ज्यूहरु, स्थानीय तहका प्रतिनिधिहरु, निर्वाचित प्रतिनिधिहरुसहित ३ हजार जति सहभागिताको प्रश्ताव आएको छ, त्यसमा छलफलको क्रम नसकिएको हुनाले बैठक साढे तीन बजे आजै बस्नेछ, तीन बजेको बैठकमा प्रतिनिधि कति हुने, को को हुने ? टुंग्याउँछौं, त्यसपछि विधान महाधिवेशनमा प्रश्तुत हुने विधानको बारेमा पनि छलफल गर्दछौँ, राजनैतिक र सांगठनिक प्रतिवेदनका बारेमा पनि छलफल गर्नेछौँ ।’
प्रमुख भट्टराईले नेकपा एमालेले एमसीसीको सम्झौतामा भएका कतिपय प्रावधानहरुलाई पुनःव्याख्या गर्नुपर्ने भएकोले नेपालको हीत बनाउनुपर्ने कुराहरु रहेकोले केही कुराहरुलाई संसोधन गरेर मात्रै एमसीसी अगाडि बढाउने बताउनुभयो ।
