ललितपुर । ललितपुर महानगरपालिकाले आगामी असोज १ गतेबाट विद्यालयहरू सञ्चालन गर्ने भएका छन्। महानगरस्तरीय शिक्षा समितिको बैठकको निर्णयपछि महानगरभित्रका संस्थागत र सामुदायिक विद्यालय खुल्ने भएको हो।
विद्यालय सञ्चालन गर्दा स्वास्थ्य मापदण्ड कडाईका साथ अपनाउन निर्देशन दिँदै महानगरले सामुदायिक विद्यालयलाई मास्क र स्यानिटाइजर प्रदान गर्ने बताएको छ।
कोभिड १९को प्रभाव कम हुँदै गएकाले स्वास्थ्य मापदण्ड पालना गर्दै विद्यालय सञ्चालनको अनुमति दिएको महानगर शिक्षा शाखाका प्रमुख महेन्द्र बहादुर क्षेत्रीले बताउनु भयो ।
उहाँले भन्नुभयो, ‘विद्यालय सञ्चालन सम्बन्धी कार्यढाँचा, नेपाल सरकारले तोकेको स्वास्थ्य मापदण्ड पूर्ण पालना गरी विद्यालय संचालन गर्नुपर्नेछ।’
