आफ्नै बुवाले ठक्कर दिदाँ बसले किचेर एक किशोरको मृत्यु

दमौली । तनहुँमा आज बिहान बसले किचेर एक किशोरको मृत्यु भएको छ । मृत्यु हुनेमा तनहुँको बन्दीपुर गाउँपालिका–४ पिप्लेका १५ वर्षीय विश्वास थापा रहेको जिल्ला प्रहरी कार्यालय तनहुँले जनाएको छ ।

घर अगाडि रोकिराखेको ग१ख ४६५८ नंको बस पछाडि हटाउने क्रममा आफ्नै बुवा बलक थापाले ठक्कर दिदाँ विश्वास घाइते भएका थिए ।

थापाको उपचारको क्रममा बन्दीपुर अस्पतालमा मृत्यु भएको जिल्ला प्रहरी कार्यालय तनहुँले
जनाएको छ । ठक्कर दिने बस र बुवा प्रहरी नियन्त्रणमा लिएर थप अनुसन्धान गरिदै छ ।