काठमाडौँ । बिरामीको उपचार नगरी आन्दोलनमा होमिएका सरकारी चिकित्सक बिरुद्ध जनमत बढ्दै गएपछि चिकित्सकहरु अस्पताल परिसरमा बसेर बिरामीको सेवा गर्न थालेका छन् ।
समायोजनका नाममा सरकारले दुर्गम क्षेत्रमा सरुवा गरेपछि सुगममा मात्रै काम गर्न पाउनुपर्ने माग गर्दै सरकारी चिकित्सकहरु आन्दोलनमा होमिएका थिए । सरकारले माग पुरा नगर्ने, सरकारी चिकित्सक आन्दोलनमा नाममा बिरामीलाई बिचल्लीमा पारेको भन्दै सर्वत्र आलोचना हुन थालेपछि आन्दोलनरत चिकित्सकहरुले सादा कागजमा सरकारी चिकित्सक संघ ९गोदान०को छाप लगाएर बिरामीको परीक्षण शुरु गरेको छ ।
सरकारी अस्पतालका चिकित्सक आन्दोलनमा लागेपछि निजी अस्पतालका दलालहरु अहिले नीजि अस्पतालमा बिरामी लैजान चलखेल गर्ने गरेको पाइएको छ ।
वीर अस्पतालकै ट्रमा सेन्टरमा आउने बिरामीलाई पनि अस्पतालको परिसरमा राखेर चेकजाँच गरेजस्तो गर्ने र बिरामीलाई प्राइभेट क्लिनिकमा पठाउन दलालको चलखेल तीव्र भएको छ ।
एक सातादेखि चिकित्सकहरुको हड्तालका कारण आकस्मिक बाहेकका सेवा ठप्प रहेको वीर र ट्रमा सेन्टरमा बिहान सबेरै देखि बिरामीको भिड लाग्ने गरेको छ । सकारी अस्पतालमा बिरामीको भिड बढ्दै गएपछि प्रहरीले हस्तक्षेप गरी बीर अस्पतालको काउन्टर खुलाएको थियो ।
काउन्टर खुले पछि ६ दिनदेखि आन्दोलनरत सरकारी चिकित्सकहरूले सेवा बहिष्कार गदै आएकोमा आन्दोलनको स्वरुप परिर्वतन गरी बिरामीको परीक्षण गर्न शुरु गरेको हो । आन्दोलनका कारण बिरामीहरुले बिषेशज्ञ सेवा भने पाउन सकेका छैनन् । यो खबर नेपाल समाचारपत्रमा छ।
