काठमाडौं । सरकारले शिक्षक सेवा आयोगमा रिक्त पदाधिकारी नियुक्त गरेको छ।
बिहीबार बसेको मन्त्रिपरिषद् बैठकले आयोगको अध्यक्षमा भक्तपुरका डा. हरिप्रसाद लम्साललाई नियुक्त गर्ने निर्णय गरेको हो।
त्यसैगरी आयोगको सदस्यमा मकवानपुरका रामशरण सापकोटा र महिला सदस्यमा काठमाडौंकी विष्णु घिमिरे (रिमाल)लाई नियुक्त गर्ने निर्णय भएको सरकारका प्रवक्ता तथा शिक्षा, विज्ञान तथा प्रविधिमन्त्री सस्मित पोखरेलले जानकारी दिए।
नवनियुक्त पदाधिकारीले शिक्षक सेवा आयोगको कामलाई थप प्रभावकारी बनाउँदै शिक्षक छनोट, परीक्षा तथा नियुक्तिसम्बन्धी कार्यलाई अघि बढाउनेछन्।
