काठमाडाैँ । रसुवाको भोटेकोशीमा भदौ १० गते आएको विनाशकारी बाढीका कारण त्रिशूली–३ ‘ए’ जलविद्युत् आयोजनाको सुरुङभित्र फसेकामध्ये दुई जनाको जीवितै उद्धार गरिएको छ।
सुरुङभित्र फसेका सञ्जय शाह र कबीर महर्जनको जीवितै उद्धार गरिएको हो। शाह आयोजनामा मेकानिकल फोरम्यानका रूपमा कार्यरत हुनुहुन्छ भने महर्जन मेकानिकल सुपरभाइजरका रूपमा कार्यरत हुनुहुन्छ।
यसअघि सञ्जय शाहको जीवितै उद्धार गरिएको थियो। भर्खरै कबीर महर्जनलाई पनि सुरुङबाट जीवितै उद्धार गरिएको जानकारी प्राप्त भएको छ।
सुरुङभित्र अझै अन्य व्यक्ति फसेको आशंका गरिएको छ। उनीहरूको खोज तथा उद्धारका लागि नेपाली सेना र सशस्त्र प्रहरीको टोली परिचालन गरिएको छ। अन्य व्यक्तिको खोज तथा उद्धार कार्य जारी रहेको छ।
