काठमाडौं। काठमाडौंका विभिन्न ठाउँमा तीन दिन साढे तीन घण्टा विद्ययुत आपूर्ति बन्द हुने भएको छ ।
विद्युत् प्राधिकरणले आज सूचना जारी गर्दै स्यूचाटार सवस्टेशनदेखि मातातीर्थ सवस्टेशनसम्मको १३२ केभी लाइनको पुरानो तार बदली गर्न विद्युत आपूर्ति बन्द गर्न लागिएको जनाएको हो।
कुलेश्वर वितरण केन्द्र अन्तर्गतका थानकोट फिडर र सतुंगल फिडरका स्थानमा आपूर्ति बन्द हुने सूचनामा उल्लेख छ। ती क्षेत्रमा जेठ २९, ३० र ३१ गते बिहान साढे ९ बजेदेखि दिउँसो एक बजेसम्म विद्युत् आपूर्ति बन्द हुने छ।
थानकोट फिडरअन्तर्गत चन्द्रागिरी नगरपालिका वडा नम्बर १४ को कार्यालय आसपास, बालकुमारी मन्दिर, सशस्त्र प्रहरी बल कार्यालय, सिजी, पुरानो नैकाप, बलम्बु, चुनदेवी, खहरे, दहचोक, ढुङ्गेधारा, ब्राईट फ्युचर, बाईछाप, यातायात, दाउरा डिपो, हाईभिजन कोलोनी, पशुविकास, श्रृजना चोक क्षेत्रमा विद्युत् आपूर्ति बन्द हुने छ।
त्यसैगरी सतुंगल फिडर धौलागिरी गेट आसपास, सिंचाफाँट, शिबमन्दिर आसपासका क्षेत्रमा आपूर्ति बन्द हुने प्राधिकरणले जनाएको छ।
हेर्नुहोस् सूचना
