काठमाडौं । वरिष्ठ अधिवक्ता तथा संविधानविद् टीकाराम भट्टराईले न्यायपालिका माथि मिडिया ट्रायल गरी दवाब बढाउन खोजेको आशंका गर्नुभएको छ ।
सामाजिक सञ्जाल मार्फत भट्टराईले राजनीतक भाष्य सृजना गर्दै विवादित बनाएर न्यायपालिकालाई कमजोर बनाउने हो कि भन्ने शंका गर्नुभएको छ ।
उहाँले लेख्नुभएको छ-
प्रधानन्यायाधीशको नियुक्ती राजनीतिक नियुक्ती होइन न त यो आवधिक निर्बाचनको राजनीतिक इच्छा अभिव्यक्त गर्ने पद नै हो । बरिष्ठता यो पदको हकदारको पहिलो शर्त विश्वभरिकै स्वीकार्य मानक हो तर ठोस, प्रमाणित र बोधगम्य आधारमा पहिलो असक्षम र अनैतिक वा दोषी ठहर भएमा दोश्रो बरिष्ठता स्वत :हकदार हुनेछ। स्वतन्त्र न्यायपालिकाको यो नै एक आधार स्तम्भ हो । अनावश्यक मिडिया ट्रायल र राजनीतिक भाष्य सृजना गरेर यसलाई बिवादित बनाएर न्यायपालिकालाई कमजोर नबनाऔ तर नियुक्ती पछि निरन्तर उच्चस्तरको खबरदारी र निगरानी जारी राखौ। स्मरणीय छ, १०९ दिनको आन्दोलनका योजनाकार,योद्धा र कार्यकर्ता हामी कानुन ब्यबसायी नै थियौ। जोश, होश र चेतना अझै जागृत छ।
