इलाम। प्रतिनिधिसभा सदस्य निर्वाचन अन्तर्गत इलाम निर्वाचन क्षेत्र नम्बर २ को मतगणना जारी छ।
चुलाचुली गाउँपालिकाका चार वटा वडाहरू १, ४, ५ र ६ को गणना सकिँदा नेकपा एमालेका उम्मेदवार सुहाङ नेम्वाङले पुन अग्रता लिएका छन् ।
पछिल्लो आधिकारिक विवरणअनुसार एमालेका सुहाङ नेम्वाङले २,०६२ मत प्राप्त गर्दै आफ्नो अग्रता कायम राखेका छन्। उनलाई श्रम संस्कृति पार्टीका सुदिप राईले १,९२५ मतका साथ कडा टक्कर दिइरहेका छन्। सुहाङ र सुदिपबीचको मतान्तर मात्र १३७ रहेको छ।
पहिलो पटक सार्वजनिक भएको मत परिणाममा सुहांगले अग्रता लिएका थिए । दोस्रो पटक सार्वजनिक भएको मत परिणाममा श्रम संस्कृति पार्टीका सुदिप राईले अग्रता बनाएका थिए ।
