पर्सा। सशस्त्र प्रहरी बल, नेपाल नं १३ गण हेडक्वाटर पर्साले २५औँ सशस्त्र प्रहरीका अवसरमा वीरगञ्ज कारागारमा रहेका महिला कैदीबन्दीलाई सल तथा न्यानो कपडा वितरण गरेको छ ।
सशस्त्र प्रहरीले आज यहाँ कारागारमा एक कार्यक्रमबीच कारागारमा रहेका ६२ जना महिला कैदीबन्दीलाई सल र कैदीबन्दीका पाँच बालबालिकालाई न्यानो कपडा वितरण गरेको छ ।
सशस्त्र प्रहरी बल नेपाल नं १३ गण हेडक्वाटर पर्साका गणपति तथा सशस्त्र प्रहरी उपरीक्षक पुरनचन्द्र भट्टले सशस्त्र प्रहरीले न्यायो कपडा वितरण तथा स्वास्थ्य शिविर गरेको जानकारी दिनुभयो ।
त्यस्तै, सशस्त्र प्रहरीले आज नै वीरगञ्ज महानगर १ छपकैयाँस्थित बविता पराजुली आधारभूत विद्यालयको प्राङ्गणमा स्वास्थ्य शिविर सञ्चालन गरेको छ । उक्त आँखा शिविरबाट ७८ जना स्थानीय लाभान्वित भएका छन् । रासस
