काठमाडौं । नेपाली कांग्रेसले समानुपातिकतर्फको बन्दसूची मंगलबार बिहान मात्र पेश गरेको छ । सो सूचीका लागि निर्वाचन आयोगबाट हिजो नै निस्सा लिएको कांग्रेसले आज बिहान मात्र सो सूची बुझाएको छ ।
मुख्यसचिव कृष्णप्रसाद पौडेलले मंगलबार बिहान साढे ११ बजेमात्र बन्दसूची बुझाएका हुन् ।
गएराति नै कांग्रेसले सो सूची आयोगमा लगेकोमा पार्टी सभापति शेरबहादुर देउवाको डिजीटल हस्ताक्षर नमान्ने भनेपछि आज नै हस्ताक्षर गरेर सो सूची बुझाइएको हो ।
बन्दसूचीको पहिलो नम्बरमा खस आर्यका तर्फबाट अर्जुननरसिंह केसीको नाम रहेको बुझिएको छ । त्यस्तै आदिवासी जनजातितर्फ पार्टीका सहमहामन्त्री भीष्मराज आङ्देम्बेको नाम पहिलो नम्बरमा रहेको छ ।
आङ्दम्बेको नाम कोशी प्रदेशबाट समानुपातिकका लागि सिफारिस भएर आएको थियो ।
उनी २०७९ को चुनावमा एमालेका वसन्त नेम्वाङसँग ४७ मतले हारेका थिए । उनी २०७४ मा पनि एमालेकै बसन्तसँगै पराजित भएका थिए ।
यता प्रत्यक्ष चुनाव नलड्ने घोषणा गरेका पूर्व सहमहामन्त्री अर्जुननरसिंह केसी पनि समानुपातिक सूचीको प्राथमिकतामा परेका हुन् ।
