काठमाडौँ । राष्ट्रपति बिद्यादेवी भण्डारीसँग बहुक्षेत्रीय प्राविधिक तथा आर्थिक सहयोगका लागि बङ्गाल खाडीको प्रयास (बिमस्टेक)का महासचिव तेन्जिङ लेकफेलले शिष्टाचार भेट गर्नुभएको छ ।
राष्ट्रपति भवनमा भएको भेटमा बिमस्टेक प्रकृयालाई थप प्रभावकारी बनाई अघि बढ्न सदस्य राष्ट्रहरुबीच क्षेत्रयि सहयोग अभिबृद्धि गर्ने विषयमा कुराकानी भएको राष्ट्रपति कार्यलयले जनाएको छ । भेटमा नेपाल सरकारका उच्च पदस्थ अधिकारीहरुको समेत उपस्थिति रहेको थियो ।
