काठमाडौँ। स्कटल्याण्डमा जारी त्रिदेशीय टी–२० अन्तर्राष्ट्रिय क्रिकेट शृंखलामा नेपालले नेदरल्यान्ड्सविरुद्ध १५३ रनको लक्ष्य पाएको छ।
ग्लास्गोस्थित टिटउड मैदानमा सोमबार टस जितेर फिल्डिङ रोजेको नेपालसँग नेदरल्यान्ड्सले निर्धारित २० ओभरमा ७ विकेट गुमाउँदै १५२ रन बनायो।
नेदरल्यान्ड्सका लागि तेजा निदामानरुले सर्वाधिक ३५ रन बनाउँदा विक्रमजित सिंहले ३०, साकिब जुल्फिकारले २५, माइकल लेभिटले २० र म्याक्स ओडाउडले १९ रन जोडे।
नेपालका सन्दीप लामिछानेले उत्कृष्ट बलिङ गर्दै ४ ओभरमा १८ रन खर्चेर ३ विकेट लिए। त्यस्तै, नन्दन यादवले २ विकेट तथा ललित राजवंशी र कुशल भुर्तेलले १–१ विकेट लिए। अब नेपालले लक्ष्य पछ्याउँदै विजयी सुरुवात गर्ने लक्ष्यसहित ब्याटिङ गर्नेछ।
