काठमाडौं। पछिल्ला केही दिनयता काठमाडौँ उपत्यकामा कोरोना भाइरसका संक्रमितहरु निकै बढेपछि सरकारले निषेधाज्ञाको तयारी गरेको छ । सरकारले उपत्यकाका प्रमुख जिल्ला अधिकारीहरुलाई आवश्यक निर्णय गरेर निषेधाज्ञा लगाउन निर्देशन दिइसकेको छ। यसबारेको जानकारी केही बेरमा सरकारले दिने जनाइएको छ ।
सरकारले भने काठमाडौं, भक्तपुर र ललितपुर जिल्लामा निषेधाज्ञाको आदेश जारी गर्ने अधिकार प्रमुख जिल्ला अधिकारीहरुलाई दिएको बताइएको छ । काठमाडौँ उपत्यकाका तीन जिल्लाका प्रशासन कार्यालयहरुले आवश्यकता मूल्यांकन गरी आज राति वा भोलि बिहानबाट नै निषेधाज्ञा लगाउने तयारी गरिरकेको बुझिएको छ।
केहीले भोलि बुबाको मुख हेर्ने औँशी पारेकोले भोलि एक दिनका लागि जारी गर्न नहुने बताएका छन् भने सरकारले भने यही कारणले मानिसहरुको ओहोरदोहोर बढ्दा झनै समस्या हुने भएकोले आजै रातिदेखि नै निषेधाज्ञाको आदेश जारी जारी गर्नुपर्ने तर्क राखेका छन् ।
यो आदे्श जारी भएपछि अत्यावश्यक नपरी बाहिर निस्कन पाइने छैन। यो आदेश एक प्रकारको कर्फ्यु जस्तै हुने बताइएको छ ।
