एजेन्सी । अभिनेता विक्की कौशलको फिल्म ‘साम बहादुर’ सिनेमाघरमा धुमधाम बनाएपछि अब ओटीटीमा रिलिजको तयारीमा छ । यो फिल्म भारतका प्रथम फिल्ड मार्शल साम मानेकशाको जीवनमा आधारित छ ।
जसमा उनको सेना प्रमुखको रूपमा प्रारम्भिक दिनदेखि उनको सुयोग्य सेवानिवृत्तिसम्म, उनको उत्कृष्ट यात्राको कोशेढुङ्गा र विजयहरूको अन्वेषण गरेको चित्रण गरिएको छ ।
जी५ले आज विक्की कौशल स्टारर फिल्म ‘साम बहादुर’ को विशेष डिजिटल प्रिमियर घोषणा गरेको छ । यो फिल्म गणतन्त्र दिवसको अवसरमा २६ जनवरीमा जी फाइभमा रिलिज हुने बताइएको छ ।
विक्की कौशलको ‘साम बहादुर’ मेघना गुलजारले निर्देशन गरेकी हुन् । यसमा विक्की कौशल बाहेक फातिमा सना शेख, सान्या मल्होत्रा, नीरज काबी र मोहम्मद जीशान अयुब जस्ता स्टारहरू पनि देखिएका छन् । यो चलचित्र रोनी स्क्रुवालाले निर्माण गरेका हुन् ।
