काठमाडौं । आज त्रिभुवन अन्तर्राष्ट्रिय विमानस्थल नियमित रुपमा सञ्चालनमा आएको छ । वायु प्रदुषणका कारण भिजिविलिटी कम हुँदा प्रभावित भएको विमानस्थल पुनः सञ्चालनमा आएको हो ।
विमानस्थल प्रशासनका अनुसार केहीसमय अघिदेखि विमान उडान तथा अवतरण नियमित भइरहेको छ । आन्तरिक तथा बाह्य दुवै उडान भइरहेको पनि प्रशासनले जनाएको छ ।
खराब मौसमका कारण शुक्रवार र (हिजो) शनिवार केही समय प्रभावित भए पनि आज विमानस्थल नियमित रुपमा सञ्चालनमा आएको हो ।
