काठमाडौं । यतिबेला सीताराम कट्टेल (धुर्मुस) जनस्तरबाट निर्माण भइरहेको गौतम बुद्ध अन्तर्राष्ट्रिय क्रिकेट रङ्गशाला निर्माणका लागि मेची-महाकाली अभियानमा जुटेका छन् ।
रंगशाला निर्माणका लागि आर्थिक अभाव भएपछि उनी चैत १० गते कञ्चनपुरबाट यस अभियानमा लागेका हुन् ।
पूर्व मेचीदेखि पश्चिम महाकालीसम्मको घरदैलो अभियानमा रंगशाला निर्माणका लागि सहयोग गर्न चाहनेहरूको घरदैलोमा पुगेर सहयोग सङ्कलन गर्न थालिएको छ ।
यसैबीच आज तराईमा हर्षोल्लासका साथ होली पर्व मनाइँदैछ । अन्तर्राष्ट्रिय क्रिकेट रंगशालाका निर्माता एव धुर्मुस सुन्तली फाउन्डेशनका सञ्चालक समेत रहेका कट्टेलले सम्पूर्ण देशका दाजुभाई तथा दिदीबहिनीहरुलाई सम्बोधन गर्दै होलीको सद्भाव साटेका हुन् ।
