काठमाडौँ । ललिता निवास जग्गा प्रकरणमा पक्राउ परेकाहरुलाई थप ७ दिन हिरासतमा राखेर अनुसन्धान गर्न अदालतले अनुमति दिएको छ ।
यस प्रकरणमा अनुसन्धान गरिरहेको केन्द्रीय अनुसन्धान ब्युरो (सिआईबी)लाई जिल्ला अदालत काठमाडौँले पक्राउ परेकाहरुलाई थप ७ दिन हिरासतमा राखेर अनुसन्धान गर्न अनुमति दिएको हो ।
सिआईबीले असार १२ मा भाटभटेनीका सञ्चालक मिनबहादुर गुरुङ र पूर्व निर्वाचन आयुक्त सुधीरकुमार शाहसहित ४ जनालाई पक्राउ गरेको थियो । यस प्रकरणमा अहिलेसम्म पक्राउ पर्नेको संख्या २१ पुगेको छ ।
प्रहरीले उनीहरुमाथि ‘संगठित किर्ते’ मुद्दामा अनुसन्धान गरिरहेको छ ।
