एजेन्सी । विश्वभर कोरोना भाइरसका कारण लाखौं मानिसले अकालमै ज्यान गुमाउनुपरेको छ । यसबाट विश्वका करोडौं मानिसहरु संक्रमित भएका छन् ।
यसैबीच दक्षिण कोरियामा जुलाईदेखि घरबाहिर पनि मास्क लगाउनु नपर्ने भएको छ।
कोरोनाविरुद्धको भ्याक्सिनको एक डोज लगाउनेले पनि मास्क लगाउनु नपर्ने त्यहाँको सरकारले जनाएको छ ।
सेप्टेम्बरसम्ममा ७० प्रतिशतलाई खोप लगाइसक्ने दक्षिण कोरियाको लक्ष्य रहेको छ ।
हाल त्यहाँ केवल ७.७ प्रतिशतले खोप लगाएको तथ्यांक छ । कोरियामा हालसम्म करिब एक लाख ३७ हजार संक्रमित भएका छन् भने एक हजार ९४० जनाले कोरोनाबाट ज्यान गुमाएका छन् ।
