काठमाडौं । नेपालमा पछिल्लो २४ घण्टामा थप २९१८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको परीक्षणमा उक्त संख्यामा संक्रमित थपिएका हुन् ।
यस्तै पछिल्लो २४ घण्टामा ५१४७ संक्रमित निको भएका छन् । सोमबार कोरोनाबाट मृत्यु हुनेको संख्या ५३ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९ हजार ४३८ जनाको पिसिआर र ५ हजार ३८१ जनाको एन्टिजेन विधिबाट परीक्षण गरिएको थियो ।
नेपालमा हालसम्म पिसिआर परीक्षणबाट ६ लाख १० हजार ५२१ जनामा र एन्टिजेन परीक्षणबाट २१ हजार ३३९ जनामा कोरोना संक्रमढा पाइएको छ ।
त्यसमध्ये ५ लाख ३६ हजार २५२ संक्रमित निको भएका छन् । यस्तै कोरोनाबाट हालसम्म ८ हजार ४६५ जनाको मृत्यु भएको छ ।
