काठमाडौँ । नेपालले सीधै एसियाकप छनोटको तेस्रो चरण खेल्न पाउने भएको छ ।
एसियाली फुटबल महासंघ (एएफपी) ले छनोट प्रक्रियामा परिवर्तन गरेपछि नेपाली फुटबलले सीधै एसियाकप छनोटको तेस्रो चरण खेल्ने अवसर प्राप्त गरेको हो । योसँगै नेपाललाई अब त्यस अगाडिको प्लेअफ खेल्ने झन्झट टरेको छ ।
यसअघि नेपालले एसियाली विश्वकप छनोटको दोस्रो चरणको आफ्नो समूहको चौथो स्थानमा रहेर प्लेअफ खेल्नुपर्ने भएको थियो । एसियाकप आयोजक चीन तथा विश्वकप आयोजक कतार एसियाकपको डिफेन्डिङ च्याम्पियन पनि भएको आधारमा चौथो स्थानमा रहने सबै आठ टिमले सिधै तेस्रो चरणमा प्रवेश पाएको हो ।
नेपालसँगै हङकङ, माल्दिभ्स र श्रीलंकाले पनि सीधै तेस्रो चरण खेल्ने भएका छन् । त्यस्तै छनोटको पाँचौँ स्थानमा रहेका शीर्ष तीन टिमले पनि सिधै एसियाकप छनोटको तेस्रो चरण खेल्न पाउने भएका छन् ।
जसमा म्यानमार, यमन र बंगलादेश रहेका छन् ।
