काठमाडौं । गण्डकी प्रदेशका मुख्यमन्त्री खगराज अधिकारीले प्रदेश सभामा विश्वासको मतसम्बन्धी प्रस्ताव पेस गर्नुभएको छ ।
सत्ता साझेदार दल माओवादी केन्द्रले समर्थन फिर्ता लिएपछि संवैधानिक व्यवस्थाअनुसार उहाँले विश्वासको मत लिन लाग्नुभएको हो ।
एमाले नेता अधिकारी नेतृत्वको सरकारबाट चैत १० गते माओवादी बाहिरिएको थियो। संविधानमा सरकारमा सामेल दलले समर्थन फिर्ता लिए मुख्यमन्त्रीले ३० दिनभित्र विश्वासको मत लिनुपर्ने व्यवस्था छ।
मुख्यमन्त्री अधिकारीले आफूले विश्वासको मत लिने सम्बन्धी प्रस्ताव राख्ने पत्र बिहीबार नै प्रदेश सभा सचिवालयलाई पठाउनुभएको थियो । सोही अनुसार शनिबारको प्रदेश सभाको बैठकमा कार्यसूची तयार छ।
६० सदस्यीय गण्डकी प्रदेश सभामा कांग्रेसका २७, एमालेका २२, माओवादीका ९समामुखसहित० ८, राप्रपाका २ र १ स्वतन्त्र सांसद छन्।
[pdf-embedder url=”https://newspolar.com/wp-content/uploads/2023/04/माननीय-मुख्यमन्त्रीज्यूको-विश्_वासको-मत-सम्बन्धी-प्रस्ताव-वक्तव्य-२०८०-०१-०९.pdf” title=”माननीय मुख्यमन्त्रीज्यूको विश्_वासको मत सम्बन्धी प्रस्ताव वक्तव्य २०८०-०१-०९”]
