काठमाडौं । विश्व स्वास्थ्य संगठन (एब्लुएचओ)को दक्षिण पूर्वी एसियाली राष्ट्रहरुको क्षेत्रीय समितिको भर्चुअल बैठक सुरु भएको छ ।
नेपालको अध्यक्षता तथा आयोजना रहेको बैठकमा दक्षिण पूर्वी एसियाका ११ वटा राष्ट्र सहभागी छन् । आजदेखि ५ दिनसम्म चल्ने ७४ औं सत्रमा दक्षिण पूर्वी एसियाका स्वास्थ्य मन्त्री, विश्व स्वास्थ्य संगठनका महानिर्देशहक, सदस्य राष्ट्रका बरिष्ठ स्वास्थ्य अधिकारीलगायत संयुक्त राष्ट्रसंघका एजेन्सीहरु, विकास साझेदारहरु, दातृ निकाय तथा नागरिक समाजका प्रतिनिधीहरु सहभागी रहेका छन् ।
बैठकको पहिलो दिन सोमबार उद्घाटन सत्रमा नेपालका तर्फबाट प्रधानमन्त्री शेरबहादुर देउवा, स्वास्थ्य तथा जनसंख्या राज्यमन्त्री उमेश श्रेष्ठ, विश्व स्वास्थ्य संगठनका महानिर्देशक डा. टेड्रोस एड्हानोम गेहब्रेयसस, क्षेत्रीय निर्देशक डा. पुनम खेत्रपाल लगायतले आफ्नो धारणा राखेका छन् ।
