• /
    बिहिबार, कार्तिक ७, २०७६

राष्ट्रपति सी को नेपाल भ्रमण निश्चित भएसँंगै सिंगारिन थालियो काठमाडौं

काठमाडौं । चिनियाँ राष्ट्रपति सी जिन पिङको नेपाल भ्रमण निश्चित भएसँंगै काठमाडौं सिंगारिन थालेको छ। आफ्नो क्षेत्रभित्र पर्ने मन्त्रालय र स्थानीय निकायलाई अहिले भ्याई–नभ्याई छ। यही ‘असोज २७ गते नेपाल आउने’ राष्ट्रपति सीलाई स्वागत गर्न सिंगै सरकार, काठमाडौं महानगरपालिका, निजी क्षेत्र, बैंकलगायत एक दर्जनभन्दा बढी निकाय लागिपरेका छन्। विशेष गरी आफ्नो कार्य क्षेत्रभित्र पर्ने काठमाडौं महानगरपालिकाले बाटो सफा गर्न शुरू गरिसकेको छ।

सरकारले नेपाल टेलिकमलाई तार व्यवस्थापन गर्न निर्देशनन दिएको छ। विद्युत् प्राधिकरण, काठमाडौं उपत्यका खानेपानी, नेपाल खानेपानी संस्थानलगायतका निकायलाई कामको जिम्मेवारी दिइसकेको छ। प्राधिकरणले अव्यवस्थित बिजुलीको तार र पोल व्यवस्थापन गर्न थालेको छ। सी २४ घन्टा नेपाल बस्ने कार्यक्रम रहेको छ। राष्ट्रपति सीको स्वागत गर्न राजधानीका करिब ४० वटा स्वागतद्वार निर्माण हुनेछन्।

राष्ट्रपति सी हिँड्ने सडकमा सरकारी कार्यालय र ठूला बैंकले स्वागतद्वार निर्माण गर्नेछन्। राष्ट्रिय बीमा कम्पनी, राष्ट्रिय वाणिज्य बैंक, नेपाल टेलिकम, उद्योग वाणिज्य महासंघ, काठमाडौं महानगरपालिका, खाद्य संस्थान, स्ट्यान्डर चार्टड बैंकलगायत निकायले स्वागतद्वार निर्माण गर्नुपर्नेछ। भ्रमण गर्ने रुटमा बाटो सफा गर्ने, जेट मेसिनले बाटो पखाल्ने, बु्रमर लगाउने, आइल्यान्ड मर्मत गर्ने र फूलसहितको गमला राख्ने, आकाशेपुलमा विशेष सजावट गर्ने, बाटोको डिभाइडर खाली गर्ने, जेब्राक्रस र रेलिङ्मा रङ लगाउनेलगायतका महŒवपूर्ण काम धमाधम भइरहेका छ। अधिकांश सजावट गर्ने काम रातभर हुँदै छ।

काठमाडौं महानगरपालिकाले विभिन्न निजी र सरकारी संस्थाको सहयोगमा आइल्यान्ड व्यवस्थित गर्न शुरू गरेको छ। माइतीघर मण्डलामा कृषि विकास बैंक र नेपाल टेलिकम, नविल, प्रभु बैंकलगायतका निकायले राजधानीका करिब एक दर्जन आइल्यान्ड सिँगार्ने जिम्मा लिएका छन्। महानगरले आफ्नो स्वामित्वमा रहेको आकाशेपुलमा रङरोगन शुरू गरिसकेको छ। यसअघि सार्क शिखर सम्मेलन, बिमिस्टेक सम्मेलनदेखि भारतीय प्रधानमन्त्री नरेन्द्र मोदीको पटक–पटकको भ्रमणका क्रममा काठमाडौंमा सडकहरू रातारात चिल्लो पर्ने र पेटी र रेलिङमा रङ लगाउने काम भएको थियो।

दशैं बिदामा घर जान ठिक्क परेका कर्मचारी राष्ट्रपति सीलाई स्वागत गर्न विभिन्न तयारी गरिरहेका छन्। राष्ट्रपति सीले कुन रुट प्रयोग गर्ने ? भन्ने विषयमा परराष्ट्र मन्त्रालयले हालसम्म स्पष्ट जानकारी दिएको छैन। तर, झन्डै २८ किलोमिटर क्षेत्र रहेको रिङरोडको दायाँ–बायाँसमेत सफाइ शुरू भइरहेको छ। सम्भवतः हायात होटलमा बस्ने तयारी भएपछि सरकारले सो रुटमा विशेष सफाइ शुरू गरेको हो।

सरकारले भ्रमण र भेटघाट व्यवस्थापन गर्न होटल सोल्टी, द्वारिका र हायात होटलमा विशेष सुरक्षा व्यवस्था गरेको छ। त्रिभुवन विमानस्थलदेखि बानेश्वर, माइतीघर हुदै सोल्टी होटल, सिंहदरबार, सोल्टीमोडदेखि त्रिपुरेश्वर जमल हुँदै शीतल निवास, शीतल निवासदेखि महाराजगन्ज, बालुवाटार र चीन सरकारको सहयोगमा निर्माण भएको कोटेश्वर–कलंकी साढे १० किलोमिटर सडकलाई भीआईपी रुट तय गरिएको छ।

‘हालसम्म कुन रुटमा सवारी चलाउने भन्ने विषयमा निर्णय नभए पनि कोटेश्वरदेखि कलंकी हँुदै होटल सोल्टीसम्म लैजाने विषयमा छलफल भइरहेको छ।’ –स्रोतको भनाइ छ। ‘चीन सरकारले निर्माण गरेको आठ लेनको कोटेश्वर–कलंकी सडकमा राष्ट्रपतिको सवारी चलाउने विषयमा कुरा भइरहेको छ।’ –स्रोतले नेपाल समाचारपत्रसंँग भन्यो। राष्ट्रपति सीको भ्रमणको मिति टीकाको भोलिपल्ट अर्थात् एकादशीको दिन औपचारिकरूपमा सार्वजनिक गर्ने परराष्ट्र मन्त्रालयको तयारी छ। नेपाल समाचारपत्र दैनिकबाट

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*



भर्खरै view all

नेकपा र राजमोबीच उपनिर्वाचनमा तालमेलको सहमति हुँदै

आइओएमको एमबिबिएस सिट बढाईयो तर कर्मचारीका छोराछोरी मात्र पढाउन

विवेकशीलका चर्चितहरु बाहिरिएपछि नयाँले ठाँउ पाए

विद्यालय नै असुरक्षित, बरण्डा भत्किँदा ४२ विद्यार्थी घाइते

एल क्लासिकोको नयाँ मिति समेत विवादित बन्यो




फिचर स्टोरीshow all
It is our great pleasure to introduce our organisation, newspolar.com, an online news portal promoted by Third Pole Group Private Limited. The Third Pole Group Private Limited is a team of highly professional and well experienced journalists, academics and business people.
Chief Editor/Chairman
Prabha Panthi

Third Pole Group Pvt. Ltd

Babarmahal, Kathmandu, Nepal

+977 014258394