काठमाडौँ । नेकपा एमालेका प्रमुख सचेतक ऐनबहादुर महरले आफूहरू वर्तमान सङ्घीय लोकतान्त्रिक गणतन्त्रात्मक व्यवस्था र संसदीय प्रणालीका उपभोक्ता नभई यसका निर्माता भएको दाबी गर्नुभएको छ। बिहीवार पत्रकारहरूसँग कुरा गर्दै उहाँले एमालेसहितका विपक्षी दलहरू व्यवस्था उपभोग गर्न मात्र नभई यसलाई निर्माण, सुदृढीकरण र जनविश्वास कायम गर्न जिम्मेवार भएर अघि बढिरहेको बताउनुभयो।