काठमाडौं । आजबाट काठमाडौं महानगरपालिकामा कोभिडविरुद्धको एस्ट्राजेनेका खोपको पहिलो मात्रा दिइँदैछ ।
महानगरका अनुसार ३२ वटै वडाका खोप केन्द्र तथा सातवटा अस्पतालमा खोप कार्यक्रम सञ्चालन गरिएको हो ।
१८ वर्ष माथिका सबै नागरिकले केन्द्रमा गएर खोप लगाउन सक्ने महानगरले जनाएको छ ।
नेपाल प्रहरी अस्पताल महाराजगन्ज, सशस्त्र प्रहरी बल अस्पताल बलम्बु, वीर अस्पताल, त्रिवि शिक्षण अस्पताल महाराजगन्ज, निजामती कर्मचारी अस्पताल बानेश्वर, परोपकार प्रसूति तथा स्त्रीरोग अस्पताल थापाथली र वीरेन्द्र अस्पताल छाउनीमा खोप लगाउन सकिनेछ भने बिहान १० बजेबाट सुरु भएको खोप कार्यक्रम अपराह्न ४ बजेसम्म चल्नेछ ।
काठमाडौं महानगरपालिकाको स्वास्थ्य विभागले सूचना जाराी गर्दै भनेको छ, ‘खोप लगाउन जाँदा परिचय खुल्ने फोटोसहितको परिचयपत्र र विद्युतीय दर्ता नं.सहित नजिकको खोप केन्द्रमा गइ भीडभाड नगरी स्वास्थ्य मापदण्ड पूरा गरी खोप लगाउन हुन सम्पूर्ण नगरवासीहरुमा हार्दिक अनुरोध गरिन्छ।’
