दाङ। इलाका प्रहरी कार्यालय तुलसीपुरको जग्गा अतिक्रमण गरी बनाइएका संरचना टोलवासीले आफैँ हटाउने भएका छन् ।
इलाका प्रहरी कार्यालय तुलसीपुरको नाममा दर्ता श्रेस्ता भएको नक्सा नम्बर ५ (घ) कित्ता नम्बर २६८३ (ज)को १८६२.४६ वर्गमिटर क्षेत्रफलमा निर्माण भएका संरचना स्थानीयले हटाउन लागेका हुन् । उनीहरुले १५ दिनभित्र आफै जग्गा खाली गर्ने बताएका छन् ।
टोल विकास संस्थाका अध्यक्ष पर्साराम वलीको अध्यक्षतामा बसेको आजको बैठकले अतिक्रमित गरी बनाईएका घरटहराहरु घरधनी आफैले खाली गर्ने निर्णय गरेको हो ।
इलाका प्रहरी कार्यालय तुलसीपुरका प्रमुख प्रहरी नायब उपरीक्षक होमप्रसाद पराजुलीका अनुसार उक्त जग्गामा नौ वटा घर निर्माण भएका छन् । रासस
