काठमाडौं । इन्डोनेसियाको सुमात्रा टापुमा सञ्चालित एक सुन खानी नजिकै गएको पहिरोमा परी नौ जनको मृत्यु भएको प्रहरीले जनाएको छ ।
प्रहरीका अनुसार मृतकहरुको शव खोजीकर्ताहरूले बरामद गरी सकेको छ । पश्चिम सुमात्राका प्रहरी प्रवक्ता सुस्मेलावती रोसियाले इन्डोनेसिकाको सिजुन्जुङ जिल्लामा बिहीबार सुन खानी नजिकैको चट्टान ढलेर पहिरो जाँदा तीन मिटर टाढा काम गरी रहेका खानी मजदुरहरूको समूहलाई पुरेको बताउनु भएको छ ।
प्रहरीका अनुसार यो स्थान एउटा अवैध सुनको खानी हो । पहिरो जाँदा अन्य तीन जना खानी मजदुरहरु भाग्न सफल भएको पनि उहाँले बताउनुभएको छ । प्रहरी तथा स्वयंसेवकहरूको समुहले पीडितहरूको खोजी गर्न भारी उपकरणहरू प्रयोग गरेर उद्धार अभियान निरन्तर जारी राखेको जनाएको छ ।
खनिजले धनी दक्षिणपूर्वी एसियाली मुलुक इन्डोनेसियामा इजाजतपत्र नभएका खानीहरू सञ्चालन हुने गरेको जनाइएको छ । ती खानीहरुमा स्थानीयहरू आकर्षित हुने गरेको र उचित सुरक्षा उपकरणहरू प्रयोग नगरी सुनको खोजीमा तल्लिन रहने गरेको जनाइएको छ ।
इन्डोनेसियामा विशेष गरी मनसुनी मौसममा कारण खानी जन्य दुर्घटनाहरू हुने गरेको जनाइएको छ , भने आगमी दिनमा अनुसन्धान गरी यस्ता खानीहरु बन्द गर्नको लागि प्रहरी परिचालन गरि सकेको सुस्मेलावतीले बताउनुभएको छ । उहाँका अनुसार सबै मृतकहरूको पहिचान गरि सकिएको छ ।
स्थानीय वातावरणीय समूह वाल्हीले सन् २०१२ देखि पश्चिम सुमात्रामा मात्रै अवैध सुन खानीमा भएका दुर्घटनाका कारण कम्तीमा ४८ जनाको मृत्यु भएको रेकर्ड गरेको छ ।
“सिजुन्जुङ रिजन्सीको अवैध सुनको खानीमा भएको घटनाले वातावरण विरोधि कार्य र अवैध खनन अभ्यासहरूबाट आफ्ना नागरिकहरूलाई जोगाउन राज्य असफल भएको उक्त समूहले जनाएको छ ।
गत वर्ष पश्चिम जाभा प्रान्तको सिरेबोन सहरको चुनढुङ्गाको खानीमा दुर्घटना हुँदा कम्तीमा १८ जनाको मृत्यु भएको जनाइएको छ । यसै गरी सन् २०२४ मा इन्डोनेसियाको मध्य टापु सुलावेसीको अवैध सुनको खानी नजिकै पहिरो जाँदा कम्तीमा २३ जनाको मृत्यु भएको जनाइएको छ ।
