एजेन्सी । सोनू सुदको एक्शन प्याक फिल्म ‘फतेह’ सिनेमाघरमा आएको छ । फिल्मले बक्स अफिसमा रामचरणको राजनीतिक नाटक ‘गेम चेन्जर’सँग भिड्दैछ । यतिमात्र नभएर डिसेम्बरमा रिलिज भएको ‘पुष्पा २’सँग पनि प्रतिष्पर्धा गर्दै छ ।
सोनू सुदको फिल्मले बक्स अफिसमा सुस्त ओपनिङ गरेको थियो । विकेन्डबाट निर्माताले धेरै अपेक्षा गरेका थिए तर दोस्रो दिन ‘फतेह’को कलेक्शन झनै घट्यो र ‘पुष्पा २’को बराबरीमा रह्यो ।
स्याकनिल्कको रिपोर्ट अनुसार जनवरी १० मा रिलिज भएको ुफतेहु ले पहिलो दिन २.४ करोड कमाएको थियो भने दोस्रो दिन २ करोड मात्रै कमायो । यो फिल्मले दुई दिनमा कुल ४.४ करोडको व्यापार गरेको छ ।
अल्लु अर्जुन स्टारर फिल्म ‘पुष्पा २’ ले भएको ३८ दिनमा करोडौँ कमाईरहेको छ । शनिबार ‘पुष्पा २’ ले भारतीय बक्स अफिसमा ‘फतेह’ बराबरको कमाई गरेको छ । ‘फतेह’ र ‘पुष्पा २’ ले बराबर २ करोड कमाएको छ ।
सोनू सुद अभिनित फिल्म ‘फतेह’ को निर्देशन सुद आफैले गरेका हुन् । चलचित्रलाई शक्तिसागर प्रोडक्सन र जी स्टुडियोले निर्माण गरेका हुन् । सोनु सूद र ज्याकलिन फर्नान्डिस ‘फतेह’ मा मुख्य भूमिकामा देखिएका छन् । यससँगै विजय राज र नसिरुद्दीन शाहले पनि महत्वपूर्ण भूमिका निर्वाह गरेका छन् ।
