काठमाडौं । मानव अधिकार आयोगले नेपाल प्रहरीका महानिरीक्षक वसन्तबहादुर कुँवरलाई बोलाएको छ ।
राष्ट्रिय स्वतन्त्र पार्टी (रास्वपा)का सभापति रवि लामिछानेको मानवअधिकार हनन भएको भनेर आयोगमा पुगेको उजुरीको सम्बन्धमा छलफल गर्न महानिरीक्षक कुँवरलाई आयोगको कार्यालयमा उपस्थित् हुन भनेको हो ।
लामिछानेलाई प्रहरीले अमानवीय व्यवहार गरेको भन्दै रास्वपाको तर्फबाट कार्यवाहक महामन्त्री कविन्द्र बुर्लाकोटीले आयोगसमक्ष उजुरी दर्ता गरेका थिए ।
उजुरी दर्ता गरेको भोलिपल्टै आयोगले आईजिपी कुँवरलाई सोधपुछको लागि बोलाएको हो । कुँवर कार्यालय समयभित्रै आयोगको कार्यालय पुग्ने बताईएको छ ।
