• २९ असार २०८१, शनिबार
  •      Sat Jul 13 2024
  •   Unicode
Logo
Latest
★   त्रिशूलीमा बेपत्ता तीन जनाको शव फेला ★   सूचना प्रविधि क्षेत्रको विकासलाई सरकारले प्राथमिकतामा राख्नुपर्छ:अध्यक्ष ढकाल ★   स्रष्टाले सम्झिए आदिकवि ★   प्रहरी जवानको परीक्षा दिँदै गरेका छ नक्कली परीक्षार्थी पक्राउ ★   चाइना निर्माण कम्पनीसँगको समन्वयमा पूर्वपश्चिम राजमार्गका खाल्डाखुल्डी पुर्दै ट्राफिक प्रहरी ★   पशुपति क्षेत्रमा गङ्गामाई रथयात्रा ★   नारायणीमा दुईवटा शव फेला ★   ओली सरकारमा लोसपा सहभागी हुने, मन्त्री छान्ने जिम्मा अध्यक्ष ठाकुरलाई ★   आइतबारका लागि निर्धारित प्रतिनिधिसभाको बैठक सोमबार सर्यो ★   एमाले अध्यक्ष ओली आइतबार चौंथोपटक प्रधानमन्त्री बन्दै !

‘कल्की’को क्लाइमेक्स सुटिङका ​​क्रममा दीपिका गर्भवती थिइन्



एजेन्सी । बंगाली अभिनेता शास्वत चटर्जी हालै रिलिज भएको फिल्म ‘कल्की २८९८ एडी’ मा कमाण्डर मानसको भूमिकामा देखिएका थिए ।

फिल्मको क्लाइम्याक्समा एउटा दृश्य छ जसमा उनी दीपिका पादुकोणलाई कपालले तान्दै गरेको देखिन्छन् ।

न्युज १८ लाई दिएको अन्तर्वार्तामा सास्वतले यो दृश्यबारे बताए । सास्वतले भने कि जब यो दृश्य छायांकन भइरहेको थियो, दीपिका वास्तवमा गर्भवती थिइन् ।

यो दृश्य मुम्बईमा सुटिङ भइरहेको हुनाले त्यो दिन उनका पति रणवीर सिंह पनि सेटमा उपस्थित थिए । यो दृश्य देखेर उनी चिन्तित भए । किनभने यसमा धेरै शारीरिक संघर्ष थियो । त्यसैले मैले रणवीरलाई भनें– ‘चिन्ता नगर्नुहोस्, शारीरिक रूपमा चुनौतीपूर्ण दृश्यका लागि बडी डबल्स उपलब्ध छन् ।’

सास्वतले थप भने, ‘रणवीरले सेटमा धेरै सकारात्मक ऊर्जा ल्याए । एकै ठाउँमा शान्तिपूर्वक बस्न सक्दैनन् । जब हामीले उहाँसँग कुरा गर्यौं, हामीलाई थाहा भयो कि उहाँ हामीले सोचेभन्दा धेरै नम्र हुनुहुन्छ ।’

बक्स अफिस कलेक्शनको कुरा गर्ने हो भने, ‘कल्की’ ले रिलिजको ११ औं दिनमा विश्वभर ९०० करोड कमाएको छ । यस्तै, हिन्दी संस्करणले ११ औं दिन २२ करोड रुपैयाँ कमाएको छ ।

अब यो २०० करोड कमाउने ‘बाहुबली २’ र ‘आरआरआर’ पछि तेस्रो हिन्दी डब तेलुगु फिल्म बनेको छ । यो फिल्मले दोस्रो हप्तामा ५० करोड कमाएको छ ।

नाग अश्विन निर्देशित फिल्ममा प्रभास, अमिताभ बच्चन, दीपिका पादुकोण, दिशा पटानी र कमल हसनको पनि महत्वपूर्ण भूमिका छ । यस फिल्ममा विजय देवरकोन्डा, मृणाल ठाकुर, एसएस राजामौली, राम गोपाल वर्मा, दुल्कर सलमानले क्यामियो गरेका छन् ।