काठमाडौँ । केन्द्रीय गठबन्धनमा आएको फेरबदलका कारण बागमती प्रदेश सरकारबाट नेकपा एमाले बहिरिने भएको छ ।
आजै एमालेका मन्त्रीहरूले राजीनामा बुझाउने तयारी गरेका छन् । चार महिनाअघि चैत १७ गते माओवादी केन्द्रका शालिकराम जम्कट्टेल नेतृत्वको सरकारमा एमाले दोस्रोपटक सहभागी भएको थियो ।
तर, कांग्रेस र एमालेको सहमतिपछि एमालेले सरकार छाड्न लागेको हो । आज साँझसम्म सरकारबाट बाहिरिने एमालेको तयारी छ ।
बागमतीमा आर्थिक मामिलामन्त्री जगन्नाथ थपलिया, उघोग, वाणिज्य भूमि तथा प्रशासनमन्त्री प्रकाश श्रेष्ठ, वन तथा वातावरणमन्त्री केशव पोखरेल, स्वास्थ्यमन्त्री रामेश्वर श्रेष्ठ र जलश्रोत, ऊर्जा तथा खानेपानी मन्त्री एकलाल श्रेष्ठ गरी पाँच जना मन्त्री छन् ।
