काठमाडौँ । राष्ट्रिय प्रजातान्त्रिक युवा संगठनका अध्यक्ष सुजित केसी पार्टी नेतृ रेखा थापालाई अध्यक्ष राजेन्द्र लिङ्देनको निष्ठा र इमान्दारितामा टिप्पणी गर्ने हैसियत नै नपुग्ने टिप्पणी गर्नुभएको छ ।
केही दिन अघि राप्रपा अध्यक्ष लिङ्देनले देशको अबस्था बिग्रदै जाँदा नयाँ पुस्तालाई जन्म दिन समेत बिदेश गएको बताउनु भएको थियो । राप्रपा नेतृ थापा पनि प्रसुतिका लागि हाल अमेरिका हुनुहुन्छ ।
आफु माथी अध्यक्षले कटाक्ष गरेको भन्दै थापाले सामाजिक संञ्जाल मार्फत लिङ्देनलाई देशको माया हुनेले आफ्नो सन्तान नेपाल फिर्ता बोलाए हुन्छ नी अमेरीकामा किन राखेको भन्दै प्रश्न गर्नुभएको थियो ।
अध्यक्ष लिङ्देन पुत्रि अध्यायनका लागि हाल अमेरिका मा हुनुहुन्छ ।
अध्यक्ष प्रति थापाको टिप्पणी पछि केसीले सामाजिक संञ्जालमा लेख्नु भएको छ-
अध्यक्ष राजेन्द्र लिङ्देनको निष्ठा र इमान्दारितामा टिप्पणी गर्ने तिम्रो हैसियत पुग्दैन रेखा । Rekha Thapa
योग्यता र क्षमता भएका सबैले संसारको जुनसुकै युनिभर्सिटीबाट आफ्नो शैक्षिक डिग्री प्राप्त गर्न सक्छन् । हाम्रो अध्यक्षको छोरीले अध्यक्षको छोरी भएबापत विशेष सेवा, सुविधा लिएर र प्राथमिकतामा परेर विदेशमा अध्ययन गर्न गएकी होइनन् । अरु सरह काम गरेर आफ्नो अध्ययनलाई अघि बढाउदैछिन् । ढुक्क हुनुहोस् अध्ययन सकिनासाथ उनी नेपाल फर्किन्छिन् । उनका अग्रज, समकालीन र जुनियर साथीहरु कार्डको प्रक्रियामा लाग्दापनि उनी त्यस्तो प्रक्रियामा सहभागी हुने सोचाइ र रुचिमा छैनन् । देश फर्कने र देशमै भविष्य खोज्ने उसको दृढता छ । भ्रम सिर्जना नगरौं ।
