काठमाडौँ । भक्तपुरमा मोटरसाइकल दुर्घटना हुँदा एक जनाको मृत्यु भएको छ ।
भक्तपुर नगरपालिका–१ चुनदेवीमा सल्लाघारीबाट सूर्यबिनायकतर्फ जाँदै गरेको बागमती प्रदेश ०२–०२२ प ८७३२ नम्बरको मोटरसाइकल बागमती प्रदेश–०२–०२१ प ९०३२ नम्बरको स्कुटरसँग ठोक्किदा एक जनाको मृत्यू भएको हो ।
दुर्घटनामा परी २० वर्षीय मोटरसाइकल चालक ओम केसीको मृत्यु भएको जिल्ला प्रहरी परिसर भक्तपुरका डिएसपी वसन्त पाठकले जानकारी दिए ।
स्कुटर चालक सिन्धुपाल्चोक घर भएका रोशन तामाङलाई प्रहरीले पक्राउ गरेको छ ।यसबारे प्रहरी वृत्त जगातीले अनुसन्धान गरिरहेको छ ।
