• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   दीपेन्द्रसिंह ऐरीलाई यूएईको आईएल टी–२० लिग खेल्न गल्फ जायन्ट्सले गर्यो रिटेन ★   टी–२० विश्वकपको सुपर ८ मा दुई आयोजक भिड्दै, दुबैलाई जित्नैपर्ने दबाब ★   रूसी नेता पुटिन थप शक्तिशाली कि कमजोर ? ★   सिमेन्ट उद्योगका जटिलता हटाउन सकारात्मक छौँ: उद्योगमन्त्री भण्डारी ★   नेपाली काँग्रेस संसदीय दलको बैठक जारी ★   प्याट कमिन्सअघि यी ६ बलरले टी–२० विश्वकपमा ह्याट्रिक लिएका थिए ★   सिमेन्ट उद्योगलाई उद्योगस्थलकै तौल पुल प्रयोग गरी उत्खनित खनिजको परिणाम मापनका लागि ६ महिना म्याद… ★   रास्वपाको चियापान कार्यक्रममा शीर्ष नेताहरु– तस्बिरहरु ★   कर्नाटक प्रहरीको खुलासाः प्रमाण नष्ट गर्नका लागि दर्शनले साथीसँग ४० लाख रुपैयाँ लिए ★   ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट

सीताले मृत्यु पनि निकै शान्त रोजिन्– प्रधानमन्त्री प्रचण्ड



काठमाडौँ । प्रधानमन्त्री पुष्पकमल दाहाल ‘प्रचण्ड’ले आफ्नी पत्नी सीता दाहालले मृत्यु पनि निकै शान्त रोजेको बताएउनुभएको छ ।

मंगलबार बिहान बालुवाटारमा आयोजित श्रद्धाञ्जली सभामा उहाँले सीता विरामी भएपछि राज्यबाट कुनै सुविधा नलिइकनै उनको उपचार गरिएको बताउनुभयो । उनलाई निको पार्न आफूहरु उपचारका लागि हरतरहबाट लागिपरेको उहाँको भनाइ थियो ।

अन्तिम अवस्थामा अस्पतालको आइसीयु वा भेन्टिलेटरमा उनको पीडादायी मृत्युवरण देख्नुपर्छ कि भन्ने चिन्ता लागे पनि बाँच्दासम्म सीताले अरूलाई पीडा नदिएको प्रधानमन्त्री प्रचण्डले बताउनुभयो । उहाँले भन्नुभयो, “सीताले मृत्यु पनि निकै शान्त रोजिन् । साढे सात बजे अस्पताल लगेकोमा लगभग ८:३० मा उनी बिदा भइन् ।”

प्रधानमन्त्री प्रचण्डले सीताप्रति श्रद्धाञ्जली दिने सबैलाई धन्यवाद व्यक्त गर्नुभयो । उहाँले अस्पतालदेखि पार्टी कार्यालयसम्म र आर्यघाटदेखि बालुवाटारसम्म सीताले पाएको सम्मान र श्रद्धाञ्जली उनको त्याग तपस्या र बलिदानप्रति जनताको न्याय र सम्मान भएको बताउनुभयो ।

“उनको मृत्युमा प्रकट भएको जनअभिव्यक्ति र जनाउभारले मलाई र मेरो परिवारलाई देश र जनताप्रति अझ ठूलो जिम्मेवारी बोध गराएको छ”, उहाँले भन्नुभयो।

शोकको घडीमा समाजका सबै क्षेत्र, तह, तप्का र मित्रराष्ट्रसहित सबैजसो सरकार प्रमुखबाट प्राप्त सहानुभूतिप्रति उहाँले आभार प्रकट गर्नुभयो । प्रधानमन्त्री प्रचण्डले सबैतिरबाट पाएको साथले आफूलाई देश र जनताप्रति थप जिम्मेवार हुन प्रेरित गरेको महसुस भएको उल्लेख गर्नुभयो ।

श्रद्धाञ्जली सभामा उपराष्ट्रपति, पूर्वउपराष्ट्रपति ,सभामुख, राष्ट्रियसभा अध्यक्ष,पूर्व प्रधानमन्त्रीहरू, मन्त्रीहरू, कूटनीतिज्ञहरूका साथै समाजका विभिन्न क्षेत्रका व्यक्तिहरू सहभागी हुनुहुन्थ्यो ।

फोटो -प्रधानमन्त्रीको सचिवालय