• ९ असार २०८१, आईतवार
  •      Sun Jun 23 2024
  •   Unicode
Logo
Latest
★   नेपाल–चीनबीचको सम्बन्ध नयाँ उचाइमा पुगेको छ: उपाध्यक्ष घिमिरे ★   लैंगिक समानता घरबाटै सुरु गरौ, लैंगिक हिंसा अन्त्य गरौ ★   ‘मिस ग्राण्ड नेपाल-२०२४’को आवेदन खुला ★   गाग्रीमा पानी ओसार्ने समस्या समाधान हुन्छः खानेपानीमन्त्री राई ★   शहरी विकास मन्त्रालयको बजेट असन्तुलित रहेको भन्ने भनाईमा सत्यता छैनः मन्त्री बुढा ★   वैदेशिक रोजगारीमा जाने ९६ प्रतिशत नागरिक ठगिएका छन्, टुलुटुलु हेरेर बस्न सक्दिनँः मन्त्री अर्याल ★   दक्षिणी मेक्सिकोमा एक हप्ताभित्र दुई नगर प्रमुखको हत्या ★   टी–२० विश्वकपको इतिहासमा पहिलो खेल खेलेका वेस्ट इन्डिज र दक्षिण अफ्रिका भिड्दै ★   जिबी राईलाई पक्राउ गर्ने नियत गृहमन्त्रीको छैन: प्रकाशशरण महत ★   प्रधानमन्त्री बलियो हुनुहुन्छ, उहाँकै कमाण्डमा देश अघि बढ्छ: महेश बर्तौला

बागमती किनार कुपण्डोलमा ५० बोट जापानी साकुरा रोपियो



ललितपुर:  जापानबाट उच्च शिक्षा पढेर फर्केका नेपाली विद्यार्थीहरुको संगठन ‘जुआन’ स्थापनाको स्वर्ण महोत्सवको अवसरमा शनिबार विहान ललितपुर महानगरपालिका वडा नं १० कुपण्डोलस्थित बागमती किनारमा रहेको उद्यानमा ५० वटा जापानी विरुवा साकुरा र २० वटा नेपाली आरुका विरुवा रोपियो ।

जुआनको स्वर्ण महोत्सव अर्थात ५० वर्ष पुगेको अवसरमा ५० वटा साकुरा रोपिएको जुआनका पुर्व अध्यक्ष हरेन्द्र विकास वरुवाले बताउनुभयो ।

जापानी फूल साकुरा र चैत बैशाखमा नेपालको डाँडापाखामा फूल्ने पैयँु एकै प्रजातिको भएको वनस्पतिवीद् एवम् जुआनका पुर्व अध्यक्ष डा.केशव श्रेष्ठ बताउनुहुन्छ । वैदिक र आर्युर्वेदिक गुण भएको साकुरालाई पैयँु, चारु र चेरी पनि भन्ने गरिन्छ । यो ३० फिटसम्मको उचाईको हुने र एक हजारवर्षसम्म बाँच्नसक्ने बताइन्छ ।

नेपालका लागि जापानी राजदूत युताका किकुता तथा ललितपुर महानगर प्रमुख चिरीबाबु महर्जनले संयुक्तरुपमा साकुरा रोपेर कार्यक्रमको शुरुवात गर्नुभएको थियो ।

‘जापानको फुकुशिमा शहर जसरी साकुरा र आरुको लागि प्रशिद्ध छ, त्यसैगरि ललितपुर शहर पनि साकुरा र आरुको लागि प्रशिद्ध होस् भन्ने हाम्रो कामना छ’ साकुरा वृक्षारोपण कार्यक्रमलाई सम्वोधन गर्दै नेपालका लागि जापानी राजदूत युताका किकुताले भन्नुभयो ।

३० वर्षअघि सन् १९९३ मा काठमाण्डौको थापाथली र ललितपुरको कुपण्डोल जोड्ने बागमती नदीमा जापान सरकारले पुल बनाईदिएको स्मरण गर्दै राजदूतले सोही पुलको नजिकै बागमती किनारमा रोपिएको साकुराले नेपाल र जापानबिचको जनस्तरको सम्वन्धलाई स्थानीयतहमा प्रगाढ पार्ने कुरामा जोड दिनुभयो ।

नेपालका तत्कालिन युवराज वीरेन्द्र जापानको टोकियो विश्वविद्यालयको विद्यार्थी छँदा सन् १९६७ मा उनले जापानमा हिमालय साकुरा जातको विरुवा रोपेको पनि राजदूत किकुताले स्मरण गर्नुभयो ।  ललितपुर महानगर प्रमुख चिरीबाबु महर्जनले शनिबार रोपिएको साकुरा महानगरपालिकाले शतप्रतिशत बचाउने र फुलाउने कुरामा विश्वास दिलाउँदै भन्नुभयो—‘ललितपुर महानगरलाई हरियाली बनाउन आफुले कुनै कसर बाँकी राखिने छैन र महानगरका अन्य खाली ठाउँमा पनि थप साकुराका विरुवा रोपि सबै विरुवा बचाइँनेछ ।’

त्यस अवसरमा जापानबाट बोटानिकल विषयमा विद्यावारिधि गर्नुभएकी अन्नपूर्ण रिसर्च सेन्टरकी प्रमुख डा.विजया पन्तले आफ्नो अनुसन्धान केन्द्रले साकुराको विरुवा उत्पादन गरेको बताउँदै साकुरा वातावरण स्वच्छ र हरियाली राख्न मात्रै नभई औषधि र सौन्दर्यका सामाग्री उत्पादन गर्न पनि उपयोगी विरुवा भएको बताउनुभयो ।

जुआनका उपाध्यक्ष डा.खड्ग केसीको सभापतित्वमा सम्पन्न कार्यक्रममा महासचिव डा.जीवन भट्टराईले पनि बोल्नुभएको थियो । कार्यक्रममा जुआनका निवर्तमान तथा पुर्व अध्यक्ष तथा पदाधिकारीहरुको सहभागिता थियो ।

तस्वीरहरूः बलराम प्यासी