काठमाडौँ । प्रधानमन्त्री पुष्पकमल दाहाल प्रचण्ड र नेकपा एमाले अध्यक्ष केपी शर्मा ओलीबीच शुक्रबार प्रधानमन्त्रीको सिंहदरबारस्थित कार्यकक्षमा छलफल भएको छ ।
प्रधानमन्त्रीका प्रेस संयोजक सूर्यकिरण शर्माले प्रचण्ड र ओलीबीच संवैधानिक नियुक्ति र संवैधानिक परिषद बैठकबारे छलफल भएको बताउनुभएको छ।
बुधबार बसेको संवैधानिक परिषद्को बैठकमा प्रधानन्यायाधीश नियुक्तिका प्रधानन्याधीशको नाम सिफारिस गर्नेबारे सहमति हुन सकेको थिएन। बैठकमा एमाले अध्यक्ष ओलीले केही विषयमा असहमति जनानुहुँदा निर्णय नभएको बताइएको थियो ।
परिषद्को अर्को बैठक बस्नुअघि प्रधानमन्त्री प्रचण्डले ओलीसँग एक्लै छलफल गर्नुभएको हो । प्रमुख प्रतिपक्ष दलका नेता पनि संवैधानिक परिषद्को सदस्य हुने व्यवस्था छ ।
