सुर्खेत । कर्णाली प्रदेशका नवनियुक्त तीन मन्त्रीले शपथ लिएका छन् ।
नेपाली कांग्रेसबाट मन्त्री बनेका वेदराज सिंह, खड्गबहादुर पोखरेल र कृष्णकुमार बिसीलाई प्रदेश प्रमुख तिलक परियारले पद तथा गोपनीयताको शपथ गराएका हुन् ।
वेदराज सिंहलाई आर्थिक मामिला तथा योजना मन्त्रालय, पोखरेललाई सामाजिक विकास मन्त्रालय र बिसीलाई वन तथा वातावरण मन्त्रालयको जिम्मेवारी दिइएको छ ।
यस्तै, भौतिक पूर्वाधार राज्यमन्त्री रहेकी उर्मिला विश्वकर्माले पनि आजै ऊर्जामन्त्रीमा शपथ लिएकी छन् ।
