काठमाडौँ । जिल्ला नगरका मतदाता तथा समर्थक एसोसिएटको मतदान स्थलमा होहल्ला गर्न आएपछि नेपाल उद्योग वाणिज्य महासंघको मतदान रोकिएको छ ।
अहिले निर्वाचन समितिका अधिकारीहरु आएर होहल्ला गर्नेहरुलाई हटाएका छन् । साथै मतदानस्थल प्रज्ञा भवनको सुरक्षा पनि बढाइएको छ ।
महासंघको नयाँ कार्यसमिति ९२०८०–२०८३० चयनका लागि आज बिहान ८ बजेदेखि सुरु हुने भनिएको थियो । तर मतदान प्राविधिक तयारी नपुगेको भन्दै दुई घण्टा ढिला मतदान सुरु भएको थियो ।
जिल्ला नगर र वस्तुगततर्फ एक र एशोसिएटतर्फ तीन वटा बुथ कायम गरिएको छ । निर्वाचनमा मोबाइल, प्रज्वलनशील पदार्थ निषेध गरिएको छ ।
महासंघको कार्यसमिति सदस्यमा चार जना सर्वसम्मत निर्वाचित भइसकेका छन् । निर्वाचनबाट एक वरिष्ठ उपाध्यक्ष, तीन उपाध्यक्ष र ५९ जना कार्यसमिति सदस्य चुनिने छन् । महासंघको विधानअनुसार हाल वरिष्ठ उपाध्यक्ष चन्द्रप्रसाद ढकाल ३० चैतदेखि स्वत: महासंघको अध्यक्ष बन्नुहुनेछ ।
