काठमाडौं । नेकपा एमालेका अध्यक्ष केपी शर्मा ओलीले आफूले जीवनमा कहिल्यै पनि गीत गाउन प्रयास नगरेको बताएका छन् ।
आइतबार काठमाडौंमा गुठीले आयोजना गरेको कार्यक्रमलाई सम्बोधन गर्ने क्रममा पूर्वप्रधानमन्त्री समेत रहेका ओलीले गीत गाउन प्रयास नगरेको बरु र्याप चाहिँ गाउन सकिन्छ कि जस्तो लागेको बताएका हुन् ।
अध्यक्ष ओलीले ठट्यौली पारामा भने – ‘मैले गीत गाउन कहिल्यै जान्दा पनि जानिन, खोज्दा पनि खोजिनँ । किनभने नपुगिने ठाउँमा किन जान खोज्नु । मैले सगरमाथा चढ्ने कोशिस पनि गरिनँ किनभने म त्यहाँ पुग्छु जस्तै लागेन । गायन पनि सिक्छु जस्तो लाग्दैन किन कोशिस गर्ने ? तपाईले अघि गाउन भन्नुभयो बरु र्याप चाहिँ गाउन सकिन्छ क्याहो । अभ्यास नगरेपनि र्याप सुन्दा सकिन्छ कि जस्तो लाग्छ ।’
यस्तै अध्यक्ष ओलीले २०३० मा हिरासतमा रहँदा यातनाको बेला गीत नै सहारा हुने स्मरण गरे । त्यससमय अरुणा लामाको गीत गाउने, नारायण गोपालको गीत सुन्ने गरेको ओलीले बताए ।
