काठमाडौं । सरकारले शहीद धर्मभक्त राष्ट्रिय प्रत्यारोपण केन्द्र, भक्तपुरका कार्यकारी निर्देशक डा. प्रेमराज ज्ञवालीलाई हटाउने निर्णय गरेको छ ।
भदौ २५ गते बसेको मन्त्रिपरिषद् बैठकले ज्ञवालीलाई कार्यकारी निर्देशकबाट हटाएर त्रिवि शिक्षण अस्पताल, महाराजगञ्जमै फिर्ता गर्ने निर्णय गरेको हो ।
डा. ज्ञवालीलाई केपी शर्मा ओली नेतृत्वको सरकारले चार वर्षका लागि कार्यकारी निर्देशकमा नियुक्त गरेको थियो ।
शिक्षा मन्त्रालय अन्तर्गतको त्रिवि शिक्षण अस्पतालबाट मानव अंग प्रत्यारोपण विकास समिति गठन आदेशलाई नै परिवर्तन गरि डा ज्ञवालीलाई नियुक्त गरेको भन्दै तत्कालीन समय स्वास्थ्य समूहबाट चर्को विरोध गरिएको थियो ।
