काठमाडौँ। तीन पाकिस्तानी खेलाडीको साथ पाएको हेल्प नेपाल स्पोटर््स क्लव शीर्ष दुई स्थानमा पक्का गर्दै प्रधानमन्त्री कप एनभिए भलिबल लिगको फाइनलमा पुगेको छ ।
त्रिपुरेश्वरमा बिहीवार भएको पुरुषततर्फ खेलमा हेल्प नेपालले विभागीय प्रतिद्वन्द्वी नेपाल पुलिस क्लबमाथि ३–१ को सेटमा जित निकाल्दै फाइनलमा स्थान बनाएको हो ।
कुल आठ टोली सहभागी पुरुषततर्फ लिगमा हेल्प नेपालले छैटौं खेलसम्म अपराजित यात्रा कायमै राख्यो । यससँगै लिगको अंकतालिकाको शीर्ष दुई स्थानमा रहँदै हेल्प नेपालले एक खेलअगावै फाइनलमा स्थान बनायो ।
राष्ट्रिय खेलकुद परिषद (राखेप) को कभर्डहलमा पुलिसको भने छैटौं खेलमा अपराजित यात्रा रोकिन पुग्यो । यो हारसँगै एक खेलअगावै फाइनलमा पुग्ने पुलिसको लक्ष्य पूरा हुन सकेन । कुल ६ खेल खेलेको हेल्प नेपालले सतप्रतिशत जितसँगै १८ अंक बटुल्यो ।
समान खेलबाट पुलिस र रुकुम पश्चिम भलिबल केन्द्रको भने समान १५ अंक छ । दुवै टोलीले समान एक हार सामना गरेका छन्, जुन हेल्प नेपालसँगै नै हो । पुरुषमा पुलिस र रुकुम पश्चिममध्ये एक टोलीको मात्र फाइनलमा पुग्ने सम्भावना छ । लिगको अन्तिम खेल जितले हेल्प नेपालको उपाधि भिडन्त हुने टोलीको टुङ्गो लाग्नेछ ।
अब पुलिस र रुकुम पश्चिम नै लिगको अन्तिम खेलमा प्रतिस्पर्धा गर्दैछन् । त्यसैले पनि एक खेलअगावै हेल्प नेपाल फाइनलमा पुग्न अंक पर्याप्त भएको हो । पहिलो सेटमा हेल्प नेपालले २५–२२ ले आफ्नो पक्षमा राख्यो ।
दोस्रो सेट पनि २५–१९ ले आफ्नो पक्षमा राख्दै हेल्प नेपाल सहज जितततर्फ अग्रसर भयो । तर, तेस्रो सेट पुलिसले २५–२३ ले आफ्नो बनाउँदै पुनरागमनको संकेत ग¥यो ।
चौथो सेटमा भने पुलिसले आशातीत प्रदर्शन गर्न सकेन । यो सेटमा २३–१७ ले आफ्नो बनाउँदै हेल्प नेपालले अपराजित यात्रा कायमै राख्यो । पुरुषतर्फ फाइनल समीकरणबाट बाहिरिसकेका दुई टोलीः कोशी प्रदेश भलिबल क्लब र खिल्जी युवा क्लबले पहिलो जित हासिल गरेका छन् । पहिलो खेलमा कोशीले बुढानिलकण्ठ भलिबल क्लबलाई ३–१ को सेटमा हरायो । बुढानिलकण्ठ २०–२५, २५–१५, २५–१७ र २६–२४ ले पराजित भयो ।
बुढानिलकण्ठको यो छैटौं हार हो । यो सँगै बुढानिलकण्ठ प्रतियोगिताको एकमात्र जितविहीन टोली बनेको छ । दोस्रो खेलमा खिल्जीले पनि एपिएफमाथि ३–१ को पुनरागमन जित हासिल गर्यो । खिल्जीले पहिलो सेट २१–२५ ले गुमाएको थियो । पछि २५–२२, २५–२३ र २५–२१ ले खेल आफ्नो पक्षमा पार्यो ।
एपिएफको यो पाँचौं हार हो । त्रिभुवन आर्मी क्लबले रुकुम भलिबल क्लबसँग खेल्नेछ । हेल्प नेपाल स्पोर्टस क्लब र नेपाल पुलिस क्लबबीच प्रतिस्पर्धा हुनेछ । पुलिसलाई हराए हेल्प नेपाल फाइनलमा पुग्नेछ ।–न्युज एजेन्सी नेपाल
